གློག་ཀླད་ཉོ་སྟངས།

　སྤྱིར་བཏང་ཀུ་ཤུ་གློག་ཀླད་དང་། སྐར་ཁུང་གློག་ཀླད་གཉིས་ལས་གང་ཉོ་དགོས་སམ། དུས་རྒྱུན་བཀོལ་མཁན་དང་། ལས་ཀ་གལ་ཆེན་བྱེད་མཁན་ཚོས་ཀུ་ཤུ་གློག་ཀླད་ཉོས་ན་ཡག སྐར་ཁུང་གློག་ཀླད་ལ་སྐྱོན་ཤོར་སླ་བས། དུས་རྒྱུན་བསྐྱར་རྫོབ་ཡང་སྒྲིག་བྱེད་དགོས་ན་དུས་ཚོད་དང་འགྲོ་སོང་མང་པོ་ཞིག་ཆུད་ཟོས་སུ་གཏོང་གི་རེད་ལ། གལ་ཆེའི་ཡིག་ཆ་ཁག་བརླགས་རྒྱུའི་ཉེན་ཁ་ཡང་ཆེན་པོ་རེད། འོན་ཀྱང་། སློབ་མ་དང་། མི་དཀྱུས་མ་ཚོ་ལ་སྐར་ཁུང་གློག་ཀླད་ཀྱིས་མ་འགྲིག་པ་མེད་དེ། སློབ་སྦྱོང་གི་ཆ་རྐྱེན་ཙམ་དང་བཀོལ་སྤྱོད་ཙམ་འདིས་ཡོང་ཞིང་། རིན་གོང་ཡང་ཆུང་ཆུང་རེད།

གཞི་རྩའི་གནས་ཚུལ།

དང་པོ། གློག་ཀླད་ལ་ཁྱད་ཆོས་གཙོ་བོ་འགའ་ཡོད།

1.སྒྲིག་གཅོད་ཆས།

(Processor)སྒྲིག་གཅོད་ཆས་ནི། གློད་ཀླད་ཀྱི་ཀླད་པ་ལྟ་བུ་ཡིན་པས་ཆེས་གལ་ཆེ་བ་དེ་རེད། འདིས་ཁྱེད་ཀྱི་གློག་ཀླད་ལ་ལས་ཀ་ཅི་ཞིག་བྱེད་དགོས་པ་དང་། ག་དུས་བྱེད་དགོས་པ། ག་འདྲ་བྱེད་དགོས་པ་ཚང་མ་སྟངས་འཛིན་བྱེད་པ་རེད། དེ་བཞིན་གློག་ཀླད་ཀྱི་མགྱོགས་ཚད་ཀྱང་གཙོ་བོ་འདི་ལ་རག་ལས་པ་རེད།

སྒྲིག་གཅོད་ཆས་ཐོན་སྐྱེད་བྱེད་པའི་བཟོ་གྲྭ་ལIntel AMD ARMགསུམ་ཡོད་པ་ལསIntelའདི་ཡག་ཆོས་དང་ཁྱབ་ཆེ་ཤོས་རེད།

དཔེ་རིས1-1

སྒྲིག་གཅོས་ཆས་ལ་རིགས་མང་པོ་ཡོད་པ་ལས་གཙོ་བོIntel core i3དངIntel coreདངi5 Intel core i7འདི་གསུམ་ཡིན། སྤྱིར་བཏང་བཀོལ་སྤྱོད་པ་ཞིག་ལ། Intel core i3འགྲིག་ལ། གློག་བརྙན་སྒྲིག་སྦྱོར་བྱེད་མཁན་ཚོསIntel core i5དངIntel core i7ཉོས་ན་བཟང་།

དཔེ་རིས1-2

2.གསོག་ཆས།

(RAM)གསོག་ཆས་ནི། གློག་ཀླད་ཀྱི་དྲན་པ་ལྟ་བུ་རེད། བྱ་བ་མང་པོ་ཞིག་དྲན་པར་གསོག་འཇོག་བྱས་པས་གློག་ཀླད་ཀྱི་མགྱོགས་ཚད་ལ་རོགས་རམ་བྱེད་པ་རེད། སྤྱིར་བཏང་བཀོལ་སྤྱོད་པ་ཞིག་ལ། 2GBཡང་ན། 4GBའགྲིག་ལ། གློག་བརྙན་སྒྲིག་སྦྱོར་བྱེད་མཁན་ཚོས8GBདང16GBཉོས་ན་བཟང་། དེ་བཞིན་གློག་ཀླད་ལGBམང་པོ་རང་འགྲིགས་སུ་མེད་ནའང་ཕྱིས་སུ་སྣོན་སླ་བོ་རེད།

དཔེ་རིས1-3

3.སྲ་སྡེར།

(Hard Disk)སྲ་སྡེར་ནི། ཁྱེད་ཀྱི་ཡིག་ཆ་ཁག་ཉར་ཚགས་བྱེད་སའི་མཛོད་ཁང་ལྟ་བུ་རེད། 500GB/1TB སོགས་རང་ཉིད་ཀྱི་དགོས་མཁོ་ལྟར་འདེམས་ཆོག་ལ། གློག་ཀླད་དུGBམང་པོ་རང་འགྲིགས་སུ་མེད་ན། མཐུད་སྡེར། (external hard disk)ཉོས་ན་སྟབས་བདེ་ཡོད་པ་རེད།

དཔེ་རིས1-4

གཉིས་པ། གོང་ཚད་རག་རིམས་ཞིག་ཤེས་འདོད་ན་དྲ་མྱུལ་བྱས་ན་ཡག ནམ་རྒྱུན་དྲ་ཐོག་གི་ཅ་དངོས་གོང་ཁེ་བོ་ཡོད་པས་དྲ་ཐོག་ནས་ཉོ་ནའང་སྟབས་བདེ་རེད། འོན་ཀྱང་། དྲ་ཐོག་གི་ཅ་དངོས་ལ་ཡིད་ཆེད་བྱེད་ཐུབ་མིན་ནི་ས་གནས་སོ་སོའི་ཁྱད་པར་རེད། དེ་བཞིན་དྲ་ཐོག་ལས་གློག་ཀླད་ཀྱི་ཁྱད་ཆོས་དང་བཟོ་དབྱིབས། ཚོང་རྟགས་ཨང་རྟགས། (Model Number)སོགས་འཚོལ་ཞིབ་བྱས་རྗེས་ས་གནས་ཚོང་ཁང་དུ་སོང་ན་སེམས་ཁྲལ་གང་ཡང་མེད་པར་ཁྱེད་ལ་གང་དགོས་པ་དེ་ཉོ་ཐུབ།

གསུམ་པ། འགན་ལེན། (warranty)བཟོ་གྲྭ་སོ་སོའི་ཚོང་ཇུས་མི་འདྲ་བས་འགན་ལེན་དུས་ཡུན་དང་ཞབས་ཞུའི་རྣམ་གྲངས་མི་འདྲ། དེ་བས་དང་པོ་ནས་འགན་ལེན་དུས་ཡུན་དང་ས་གནས་ཞབས་ཞུ་ཁང་གི་འབྲེལ་གཏུགས་ཁ་བྱང་བླངས་ན་ཡག་པོ་ཡོད།